Það vita það allir sem reynt hafa að það er snúið mál að vinna sig í gegnum ítarleg tilboð í mörgum liðum þar sem tilgreindir eru verkþættir sem venjulegur maður þekkir hvorki haus né sporð á. Fátt er því mikilvægara en að geta treyst á verktakann og að hann gefi sér tíma til að útskýra og fara í gegnum það verk sem vinna á þannig að allir viti fyrirfram að hverju er stefnt – hvað er innifalið í tilboðinu og hvað ekki.
Við í Vatnsholti 2 fengum Davíð Frey í Þak- og húsamálun til að taka húsið okkar í gegn síðasta sumar. Í stuttu máli heppnaðist verkið frábærlega og samstarfið við Davíð og hans menn var algerlega til fyrirmyndar. Öll framkvæmd, verð og aðrar áætlanir stóðust eins og stafur á bók og held ég að bæði við húseigendur og verktakinn getum horft hreykin á útkomuna. Til viðbótar við hefðbundna málningarvinnu kom einnig til smíðavinna – útskipting á gluggum ofl. Davíð sá um að útvega völundarsmiði sem unnu sitt verk hratt og vel auk þess að samstilla tímastjórnun í verkinu þannig að samnýta mætti vinnupalla og aðrar útleigðar græjur og þannig gera verkið sem hagkvæmast fyrir verkkaupa.

Við erum mjög þakklát fyrir vel unnin störf og mælum hiklaust með Þak- og húsamálun.

Kk. Agnar H

Við vorum aðeins efins til að byrja með því fyrirtækið var með nýja kennitölu, en við sjáum alls ekki eftir því að hafa ákveðið að stökkva til og fá hann til að fara í viðgerðirnar. Allt sem var um rætt í verksamningi stóðst og gott betur. Þeir kláruðu verkið á fáránlega stuttum tíma, enda voru þeir að allan daginn eftir að verkið hófst og tóku litlar sem engar pásur yfir daginn eins og maður hefur svo oft séð.
Verðið var frábært og ég auglýsi Davíð í hvert sinn sinn sem ég heyri einhvern vera í sömu hugleiðingum og ég.

-Sigurður Orri Hafþórsson, formaður húsfélagsins að Langholtsvegi 187